ABANTE METRO NAGA:
AN LEGISLATIVE AGENDA NI CHO ROCO SA BAGONG SIGLO

MGA OBJETO

• " Tawan de-kalidad na representasyon an Segundo Distrito kan Camarines Sur sa Camara Baja kan nasyon.

• " Siertohon na matatagamahan nin suficienteng fundo kan gobyerno nacional an mga mayor na proyektong pangkauswagan sa Segundo Distrito
  

• " Itulod an dagos-dagos na pag-uswag kan Segundo Distrito paagi sa sararong pangitorogan (vision), paghiro (mission) asin patulodan (goals) kan Metro Naga Development Council (MNDC).

MGA PRINCIPIONG PASISIKADAN

An mga programa legislative ni Cho basado sa "Five Ks" platform kan partido Aksyon Demokratiko na pinamamayohan ni Secretario Raul S. Roco:

• " Kaalaman - de-kalidad na edukasyon para sa gabos
  
• " Katarungan - pagtriumpo kan ley asin justicia
  
• " Kabuhayan - sustenidong pag-uswag asin empleo para sa namamanwaan
  
• " Kalusugan - de-kalidad na servicio sa salud asin nutrisyon
  
• " Kalikasan - maingat na pag-ataman sa satong kapalibutan

ESPISIPIKONG MGA GIGIBOHON

• " USWAG METRO NAGA - Tabangan an esfuersos kan MNDC na makahaman nin sarong pangkagabsan na planong pangkauswagan; magtagama nin mas dakol na fundo para sa komprehensibong plano sa national budget; tabangan an MNDC na maguno nin Official Development Assistance (ODA) para sa mayor na mga programa asin proyekto kaini.
  
• " KOMUNIDAD KONTRA DROGA - Tawan ngipon an presenteng Dangerous Drug Act tanganing kastigohon an paratulak droga ("3 strikes out for offenders regardless of amount of drugs"), atamanon asin paomayan an pobreng biktima; mag-establisar nin sarong community-based Drug Rehabilitation Center sa Segundo Distrito; anduyogan an sararong paghiro kan komunidad laban sa bawal na bolong asin iba pang klase nin kriminalidad, siring sa jueteng, kidnapping asin mga ilegal na aktibidades; papusogon an barangay justice system (lupong tagapamayapa) tanganing mabawasan an mga kasong nagpapaluya sa paggawad nin justicia.
  
• " SALUD ATAMAN KAN BANWAAN - Papusugon an Rural Health Delivery System paagi sa dugang na suporta financial sa mga local na govierno; itulod an alternatibong mga porma asis sistema nin pag-ataman sa salud asin pagbolong.
  
• " ATAMAN SA SALOG-KAPALIBUTAN-KADAGATAN - Itulod an sararong hiro asin pagtitirinabangan kan mga govierno lokal asin komunidad sa Segundo Distrito para protehiran an Bukid Isarog, Salog Bikol, San Miguel Bay asin Ragay Gulf; magtagama nin dugang na fundo para sa mga proyektong pangkalibutan
  
• " TABANG TUGANG METRO NAGA - Suportahan an pagpapahiwas kan kakaibang mga programa kan Cuidad nin Naga sa Segundo Distrito. Kabali digdi an Montessori-based daycare system sa lindong kan Project SMART; siring man an Integrated Livelihood Masterplan kan Metro PESO para sa saradit na negosyo, empleo asin kabuhayan
  
• " SOCIAL SOUNDNESS INITIATIVE - Siertohon na an gabos na programa asin proyektong iiimplementar kan gobvierno suportado asin acceptado kan apektadong mga komunidad asin namamanwaan paagi sa pag-introducir nin "social soundness criteria" sa paghace asin pag-eveluar kan mga ini
  
• " HIWAS ASENSO SA DISTRITO - Itulod an mayor na mga proyektong pan-infrastruktura na mabukas nin dugang na mga "growth areas" sa Metro Naga

Back to top

Office of Congressman Sulpicio S. Roco Jr.
Rm. 616, North Wing, House of Representatives, Quezon City
Tel No. 931 5001 local 7435 Fax No. 931 6026
636 Barlin St., Naga City Tel Nos. 473 4313 / 473 9089 Fax 473 4313
Email: ssr2d@pinoymail.com | pocholo_roco@hotmail.com
Contact the Webmaster